Tuesday, November 22, 2011

Tveir ateistar koma út úr skápinum

Ikki út úr ateismu, men tí typiska vísindaligu páhaldinum, vit kalla Darwinisman (menningarlæran).


Í 2010 var bókin hjá Jerry Fodor og Massimo Piattelli Palmarini, ‘What Darwin got wrong’ útgivin. 

Vit eru vanliga von við, at kritikkurin av menningarlæruni kemur frá tí kristna ella teistiska vonginum, men í hesum førinum, er tann eini heimspekingur og annars báðir vísindamenn innan ‘cognitive science’ ateistar.


Sjálvandi gingu tilhengarir av Dawkins og aðrir darwinistar amok og demoniseringin, var av tí vanliga dramatiska slagnum:



Eg geri meg ikki klókan uppá hetta kjakið, eftirsum hetta er langt uttanfyri mítt granskingarøkið, haldi tað tó verða áhugavert, at tveir ateistar tora at melda soleiðis út. 

Í hesum sambandi kann eg eisini nevna David Berlinski, ein mær vitandi, ikki so religiøsur persónur, sum eisini umboðar ‘Intelligent Design’ sum fyri nýðliga útgav bøkurnar 'The Deniable Darwin + other Essays' og The Devils Delusion: Atheism and it's Scientific Pretensions.

Eg haldi vit kunnu verða samd í, at ikki allir teistar eru kreationistar ella ID tilhengarir, men samstundis mugu vit ásannað at ikki allir ateistar halda seg til mest umtóktu áskoðanina av menning.